Personvern

Personopplysninger

 

 Leige kyrkje


Utleige av kyrkjene

Leige av Ørsta kyrkje

1. Les utleigevedtektene.
(Sjå i venstre kolonne på nettsida og finn "Utleigevedtekter, kyrkjer i Ørsta" under Ørsta kyrkjelege fellesråd.)

2. Fyll ut leigeskjemaet.
Utleigeskjema finn du her:


3. Send inn pr. e-post eller brev til Ørsta kyrkjekontor.
Postadresse:

Ørsta kyrkjekontor
Vikegata 5
6151 ØRSTA

E-post

UTLEIGE OG BETALINGSSATSAR FOR KYRKJENE I ØRSTA

Med heimel i kyrkjelova § 20 og "Regelverk for bruk av kyrkjene" § 9, har Ørsta kyrkjelege fellesråd sett desse

reglane ved utleige av kyrkjene i Ørsta.

1.0 DEKNING AV DRIFTSUTGIFTER VED ALLE FORMER FOR UTLÅN

1.1 Ved utleige til einskildtilstellingar vert det kravt grunnleige.

Grunnleiga inkluderer lys, oppvarming, kyrkjetenar, vanleg reinhald ogadministrasjonskostnader. Grunnleiga gjeld ved alle former for utleige av kyrkjene,

jamfør § 5 og 6 i Regelverk ved utlån av kyrkjene.

Dette med unntak av tilstellingar som av det enkelte sokneråd vert definert inn under kyrkjelydsarbeid og andre tilstellingar med lokal tilknyting.

1.2 Grunnleiga er sett til kr 1.000,-Grunnleiga for kyrkjestova i Ørsta kyrkje, ved utleige til minnesamvær og andre tilstellingar utanom kyrkjelydsarbeidet er kr 300,

1.3 Ved utleige av kyrkja over fleire dagar, er satsen full leige grunnleige første dag. Halv sats dei påfylgjande dagane.

1.4 Ved utleige der klokkar, organist eller andre kyrkjelege tilsette deltek, t.d. kyrkjelege handlingar for personar som ikkje er busette i Ørsta kommune, vert det kravt full dekning av lønskostnader, medrekna lønsavgifter.

1.5 Dersom utleiga krev ekstraordinært reinhald etter at tilstellinga er ferdig, kan fellesrådet krevje slike utgifter dekt.

1.6 Når kyrkjene er leigde ut til tilstelling har som har billettsal, er leiga 10% av brutto inntekt, i tillegg til grunnleiga på kr. 1.000,-.

Sokneråda har høve til å gjere avtale med leigetakar om høgare leigesatsar ved særlege høve. Leigetakar må sørge for brannvakter ved dørene. Dersom soknerådet må ordne med det, harbrannvaktene gratis tilgjenge under tilstellinga, eller dekte lønsutgifter.Leigetakar må sørge for vaksne billettseljarar og billettkontrollørar. Dersom soknerådet må ordne med det, har billettpersonalet gratis tilgjenge eller dekte lønsutgifter.

1.7 Ørsta sokneråd vedtek at dei faste medlemene i soknerådet og tilsette har frikort til alle arrangement i kyrkja, der et elles er billettsal. Når ein brukar frikortet, er ein samstundes brannvakt. Dei som leiger kyrkja skal orienterast om ordninga.

2.0 INNKREVJING OG FORDELING AV INNTEKTER

2.1 Når det er inntekter ved tilstellinga, vert det kravt oppgjer i kyrkja.

Kyrkjetenar og billettansvarleg frå leigetakar fyller ut oppgjersskjema, og kyrkjetenar tek imot oppgjer på vegne av.fellesrådet.

Oppgjersskjema skal innehalde formål, brutto inntekt og leigesum. Skjemaet skal underskrivast av ein representant for kyrkja og ein frå leigetakar.

Ved tilstellingar utan inntekter sender kyrkjeverje krav på leige til leigetakar.

2.2 Grunnleige og lønsutgifter vert godskrive fellesrådet. Jmf kap.l

2.3 Inntekter etter kap. I fråtrekt grunnleiga/lønsutgifter vert godskrive
det utleigande fellesrådet.

3.0 BETALINGSSATSANE

3.1 Ørsta kyrkjelege fellesråd fastset utleigesatsane ved leige av
kyrkjene i Ørsta.

3.2 Satsane vert godkjende av Møre bispedømeråd

3.3 Satsane gjeld frå 01.01.1998

* satsen endra ved vedtak i Ørsta kyrkjelege fellesråd 29.01.2003

Vedteke av Ørsta kyrkjelege fellesråd, 11.06.1998