Harald og Bodil Sætre, Reidun Vigestad Berge og Torbjørg Langdal har gjennom fleire år gått på pilgrimsferder sør i Europa. Harald og Torbjørg vil fortelje om ferda dei har gått. Dei starta for fleire år sidan oppe i fjella, sør-vest for Lyon, ein stad som heiter le Puy, i Frankrike.
I fjor kom dei fram til Astorga i Spania, etter å ha gått kring 125 mil, fordelt over fleire år, gjonnom variert landskap. Landevegen har ført dei både over fjell, sletter og gjennom skog, og i år fullfører dei ferda og kjem fram til målet, Santiago de Compostela, vest i Spania.
Når dei er ute og går slik i lang tid: Kor mykje kan dei makte å ta med seg i sekken? Kva gjer dei når det blir dårleg vêr? Kvar søv dei? Og kvifor gjer dei dette? Kanskje kan du få svar på nokre av desse spørsmåla på torsdag i neste veke, på føremiddagstreff i Vartdal kyrkje…

Så vert det ikkje skikkeleg føremiddagstreff utan at ein får tid til å ”treffast”. Det er viktig, så derfor vert det god til å sette seg ned og ta ein prat over ein kopp kaffi, og noko å bite i.

Ver velkommen både frå nord og sør på Vartdal-stranda, eller frå Ørsta for den saks skuld. Kanskje kjenner du nokon du kan invitere med deg på treff? Det er kjekt å ha møteplassar på dagtid. For somme kan det av ulike grunnar vere vanskeleg å kome seg til føremiddagstreff, medan andre gjerne har lang veg. Kanskje nokre av dokker har ein nabo eller kjenner nokon som treng skyss. Det går an å slå seg ilag å køyre saman til treffet, når ein berre finn tak i kvarandre...

Då treffest vi altså i Vartdal kyrkje, torsdag 25. oktober, kl. 11.00. Sjå annonse laurdag som var!

ALLE ER VELKOMNE!!

Helsing Vartdal sokneråd og diakon Knut Stave