Tårnagentane skal leite etter gøymde symbol i kyrkja og inspisere kyrkjetårnet og klokkene. Kanskje finn de noko hemmeleg? Agentane skal  løyse oppdrag og mysterium, og på gudstenesta søndagen skal de vise noko av dette til foreldre og sysken og andre som kjem. Etter gudstenesta blir det kyrkjekaffi med tårnagentkake.

Alle agentane bur heime, men skal vere i lag i kyrkja både laurdag og søndag. Agentane møter i kyrkja laurdag 22. oktober kl. 15:00. Vi held på til kl 19:00. Det kan det vere lurt å ha lommelykt og klede til å vere ei stund utandørs.

Søndag skal det vere gudsteneste kl.11:00, men Tårnagentane skal møte kl.10:00. Kyrkjekaffien er ferdig ca kl 13:00. 

Foreldre, søsken, fadrar og alle andre som vil, er hjarteleg velkomne til å vere med på gudsteneste og kyrkjekaffi søndag 23.10 kl.11:00.

For alle

Tårnagenthelga skal vere for alle 3.og 4.klassingar som har lyst! Dersom dykkar barn treng tilrettelegging av noko slag, må de ta kontakt slik at vi i fellesskap kan kome fram til gode løysingar. Tårnagentar skal få mat og vi må vite om nokon er allergisk mot noko. Bruk e-post adressa eller telefonnummeret nedst på sida.

Foreldrehjelp

For å gjennomføre Tårnagenthelg trengst det hjelp frå foreldre. Nokre må følgje borna på skattejakt rundt i kyrkja, nokre må servere mat, hjelpe til med å øve inn Tårnagentsongen, og kanskje det er ein agent som treng plaster? Har du lyst til å hjelpe til? Foreldre kan også bake ei kake/ lage til frukt fat til kyrkjekaffien. Kryss av i påmeldingsskjemaet, og du vil bli kontakta.

Påmelding

Påmelding for Tårnagentar, og tilbakemelding om kva føresette kan hjelpe til med skjer frå linken i venstremarg på framsida her inne. 

Helsing frå kateketvikar Caroline Sefu og Arne Moltubak prest.

E-post caroline.sefu@orsta.kyrkja.no

Telefon på kyrkjekontoret: 70048647